Të paktën 600 njerëz humbën jetën, kur treni në të cilën ata po udhëtonin u zhyt në lumin Baghmati në Indi më 6 qershor 1981. Treni me 9 vagona, dhe me rreth 1.000 udhëtarë, po udhëtonte nëpër shtetin verilindor të Biharit, rreth 400 km larg Kalkutës. Shirat e shumtë, e kishin fryrë shumë rrjedhën e lumenjve.
Në momentin kur treni po i afrohej një ure mbi lumë, mbi binarë u shfaq një lopë. Timoneri që ishte i besimit Hindu, që beson se lopët janë kafshë të shenjta, tentoi që të frenojë me gjithë forcën, duke shkaktuar një tragjedi.
Vagonat rrëshqitën mbi binarët e lagësht, dhe 7 vagonët e fundit u rrëzuan poshtë. Me lumin shumë më lart niveleve të tij normale, vagonat u zhytën me shpejtësi në ujërat e turbullta.
Ekipet e shpëtimit ishin disa orë larg, dhe kur ata mbërritën, gati 600 njerëz kishin humbur jetën. Pas një kërkimi shumëditor, u gjetën vetëm 286 trupa, ndërsa më shumë se 300 të zhdukur nuk u gjetën kurrë. Mjerisht, “shenjtëria” e lopës, ka shkaktuar në Indi edhe aksidente të tjera fatale, me dhjetëra apo qindra të vdekur.
