Ministrja e Shëndetësisë, Ogerta Manastirliu, ka kërkuar nga të gjithë arsimtarët dhe studentët që të vaksinohen, pasi nga e hëna do bëhet e detyrueshme çertifikata e vaksinimit.
Teksa ka inspektuar qëndrën shëndetësore nr 4 në Tiranë, ajo ka kërkuar nga mësuesit, pedagogët dhe studentët që të vaksinohen sa më parë. Nga dita e hënë do të hyjë në fuqi udhëzimi për detyrimin e paraqitjes së çertifikatës së vaksinimit, ose testit të përjavshëm. Në të njëjtën kohë bën me dije se universitetet do të organizojnë mësimin online për studentët që nuk janë vaksinuar.
Njoftimi
Qendra Shëndetësore nr. 4, Tiranë – Vijon interesi i shtuar i studentëve për t’u vaksinuar pranë qendrave shëndetësore, teksa janë kryer më shumë se 1,6 milion vaksinime në të gjithë vendin
Apel për mësuesit, pedagogët dhe studentët të vaksinohen sa më parë, duke bërë me dije se nga dita e hënë, do të hyjë në fuqi udhëzimi për detyrimin e paraqitjes së çertifikatës së vaksinimit ose testit të përjavshëm, ndërsa universitetet do të organizojnë mësimin online për studentët që nuk janë vaksinuar.
