E enjte, 21 Tetor, 2021
8.5 C
Tirana

Të isha socialist, do gëzohesha pafund kur Berisha e baltos Bashën kësisoj…

Nga: Artur Zheji

Vetëm pak kohë më parë nuk mund të mendohej kurrë kjo që po ndodh këto kohë, edhe sikur të futeshin në punë fantazistët më të mëdhenj, do të dukej surreale. Dhe do të dukej krejt sajesë pa kripë që “Babai” politik i Lulzim Bashës, mentori dhe “protektori” i tij numër një, të shndërrohet sot në akuzonjësin më të madh, në akuzuesin më gojëprishur dhe më gojërëndë të Lulzim Bashës. Gjykuar vetëm nga fillimet e Berishës kundër Bashës, gojërëndësia dhe gojëprishësia nga ana e Doktorit do vijë gjithmonë e më në rritje.

Ashtu si është rëndom në stilin e tij, ai pritet të akuzojë Bashën në çdo detaj të jetës së tij. Kështu si ka filluar do të shajë e do ta denigrojë dhe do të përgojojë pa asnjë kufizim, edhe më rëndë sesa vetë Ramën.

Me fjalorin pikant, agresiv dhe destruktiv, tipik berishist. Me siguri, Doktori për t’i bërë sa më interesante dhe sa më spektakolare “foltoret” (në të vërtetë e ka gjetur bukur këtë emërtim!), do shkojë thellë e më thellë, larg e më larg… Aq sa shpesh më shkon në mendje: “Mos vallë është edhe poliagjent ky Lulzim Basha?!”.

Ndërkohë që në radhët e para të këtij spektakli aq sa tragjik, po aq edhe komik, qëndrojnë socialistët gazmorë dhe patronazhistët e vëmendshëm, ministreshat apo bejlereshat, drejtorët milionerë të Shqipërisë së re, specialistët e rrugëve dhe të asfalteve, që fërkojnë duart të gëzuar, të harbuar dhe çakërrqejf. Ata, sigurisht, mezi presin që edhe Basha të “zbresë në fushën e betejës verbale dhe ta ndezë edhe më shumë Berishën dhe spektakli të arrijë majat.

Lexo edhe :   Manjani nxjerr prapaskenat, çfarë mund të ndodhë në PD

Mirëpo, Basha ka zgjedhur vetëpërmbajtjen dhe deri tani ia ka dalë të mos jetë pjesë e spektaklit, duke e lënë Berishën krejt vetëm dhe pa as më të voglën replikë direkte. Ndërkohë që “fabula e Doktorit” me argumente konspiracioni (marrëveshje e fshehtë Soros-Rama-Basha) dhe me një thikë që ngulet pas shpine, duket se po konsumohet me shpejtësi dhe po bie në përsëritje. Sepse është e madhe ngarkesa e tij emocionale, shpërthyese dhe pa vetëpërmbajtje. Me agresivitetin e tij të njohur, Doktori duket se i shkoi deri në fund mllefit të tij të papërmbajtshëm anti-Basha.

Lexo edhe :   E Djathta Ekstreme, Kosova dhe opozita Berisha e opozitës Basha

Dhe me një shpejtësi po aq të madhe, duket se po i shteron qypat e vrerit, duke u bërë i parashikueshëm, në shpalljen befas: të “armikut shumëplanësh Lulzim Basha!”. Po Basha? Çfarë duhet të bëjë ai? Sigurisht, bëri mirë që e ndërpreu “heshtjen” për këtë temë. Por ndoshta duhet të flasë më shumë dhe më qartë. Ndoshta të mbrohet duke mos e sulmuar “babën idhnak”. Gjithashtu, Basha duhet politikisht të ndihmojë më shumë shqiptarët që të kuptojnë më mirë dhe më qartë “rolin e aleatit amerikan” në këtë krizë. Duke dekodifikuar sa më shumë të jetë e mundur komunikimin me opinionin publik, në lidhje me amerikanët, duke kaluar, pra, nga gjuha e koduar, në një gjuhë më dyst taban… /360grade.al

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...