E enjte, 21 Tetor, 2021
8.5 C
Tirana

“Mbretëria” e Kozakut, si kërcënim për një gjeneratë

Nga: Mentor Kikia

Njëri që u quajtka Kozak, qenka shpallur mbreti i Instagramit dhe Tik-Tokut. Por një tjetër që u quajtka Fabio, mesa duket pretendent për fronin, qenka futur në luftë me të. Lufta përfundoi me një pengmarrje dhe me një diskreditim publik të mbretit Kozak. Mediat njoftuan se për të qetësuar situatën ndërhyri vetë Stresi. Kjo është lufta për sundim në një mbretëri që ca si puna ime, nuk e njohin dhe as e kuptojnë. Por mesa duket, ne jemi shumë të pakët.

Kjo luftë për fron, tërhoqi shumë vëmendjen e mediave online. Ajo u ndoq hap pas hapi, edhe live madje (nuk është më si dikur, luftrat janë transparente tani). Audienca maksimale. Vetëm Rama dhe Berisha konkurojnë në rrjet me mbretërit e instagramit.

U shtyva të mësoj pak më shumë për këtë lloj mbretërie. Një video tregonte mbretin Kozak që tymoste hashash dhe i përgjigjej njërit që e shante me libër shtëpie – siç thuhet në gjuhën e kësaj mbretërie. ”O bishe, vet të hëngri b… o bishe, pse u krujte me mu o bishe”- shikimet live rriteshin frikshëm. Edhe videoja me titull “Kozaku pi kokainë live” kishte ecur shumë mirë në rrjet.

Reagimet vazhdojnë. Protagonistët dalin nëpër “konferenca shtypi” për të sqaruar rrethanat, dhe mediat i ndjekin hap pas hapi.

1-Eshtë për të vënë kujën që mediat online, në emër të klikimeve, i dhanë dhe i japin vëmendje ngjarjeve të tilla.

2-Eshtë për të vënë kujën për audiencën e tyre, nga një gjeneratë e destinuar të bëhet llumi i shoqërisë.

3-Eshtë për të vënë kujën që askund në media nuk ka sot një program edukativ për fëmijët. Ndërsa adoleshentët ndahen në grupe fansash të njërit mbret dhe fansa të mbretit tjetër, e përleshen edhe nëpër rrugë pastaj.

4-Eshtë e patolerushme që strukturat e shtetit nuk ndërhyjnë për të bllokuar këto kanale, ashtu siç bëjnë me kanalet që nxisin ekstremizmin fetar dhe tërrorizmin.

A e kuptoni se çfarë adoleshencë e rinie po rritet në këtë vend?

Unë mund të dukem shumë demode, pasi kur isha student mbaja në derën e dollapit të konviktit foton e Kadaresë, ndërsa Tik-Toksat e sotëm mbajnë fotot e atyre që drogohen live në rrjet.

 

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...