Kryeministri Edi Rama i ka shprehur mirënjohjen mjekëve të cilët po merren me trajtimin e pacientëve të konfirmuar me koronavirus.
Kreu i qeverisë ka shpërndarë një video në Facebook, ku shihet ministrja e Shëndetësisë, Ogerta Manastirliu e cila po komunikon me ‘video call’ me stafin e spitalit infektiv.
Kujtojmë se numri i të infektuarve në vend ka shkuar në 33, me 10 raste të cilat u konfirmuan ditën e sotme. Sipas zv.ministres Rakacolli vetëm 8 prej të infektuarve ndodhen të shtruar në spitalin infektiv në Tiranë. Ndërsa pjesa tjetër janë vetëizoluar në shtëpi.
Postimi i plotë:
MIRËNJOHJA S’KA FUND PËR HERONJTË E SPITALIT INFEKTIV, QË JO VETËM PO BËJNË BETEJËN E JETËS SË TYRE NËN ATË ÇATI, POR PO TREGOJNË NJË AFTËSI TË ADMIRUESHME PROFESIONALE NË ÇDO ASPEKT?
? KRENAR PËR OGERTËN QË PO UDHËHEQ ME PËRKUSHTIM TË MADH, QARTËSI E VENDOSMËRI MBRESËLËNËSE NË NJË FRONT, KU ÇDO ORË ËSHTË NJË SFIDË MË VETE DHE KU FUNDI I TUNELIT ËSHTË ENDE LARG?
? ME KËTA NJERËZ JINI TË BINDUR SE SHQIPËRIA DO TË BËJË MË TË MIRËN E MUNDSHME?
