Kronikë

VIDEO/ Lëvizte me armë, momenti kur kapet i riu në Vlorë

               Publikuar në : 11:14 - 16/04/19 S.N

Arrestohet një person në Vlorë, pasi qarkullonte me armë zjarri në qytet. Kanë qenë qytetarët ata që kanë njoftuar policinë për një shtetas që qarkullonte me armë zjarri në zonën e Ujit të Ftohtë.

Menjëherë janë organizuar shërbimet e policisë, të cilët kanë konstatuar pranë një lokali në Ujin e Ftohtë Vlorë personin e dyshuar, i cili sapo ka parë Policinë ka tentuar të largohet.

Shërbimet e Policisë janë vënë në ndjekje ku kanë bërë të mundur kapjen në flagrancë të shtetasit E.H., 29 vjeç, banues në Vlorë.

Shtetasi E.H., gjatë tentativës për t’i shpëtuar Policisë, ka hedhur në tokë armën e zjarrin tip pistoletë CZ-P09, me 16 fishekë. 29-vjeçari ka qenë edhe më parë i arrestuar nga Policia për armëmbajtje pa leje në vitin 2012.

Materialet iu referuan Prokurorisë për veprat penale “Prodhimi dhe mbajtja pa leje e armëve luftarake dhe e municionit” dhe “Mosbindja ndaj urdhrit të punonjësit të policisë së rendit publik”.

Kthehu
WhatsApp Denonco ne TT