Kryetari i Bashkisë Erion Veliaj i ka shtuar masat vetjake të sigurisë pas asaj që i ndodhi ditën e djeshme, kur një student tentoi ta qëllojë me bojë. Ditën e sotme, Veliaj ka shtuar forcat e policisë përreth vetes, duke krijuar një perimetër të zgjeruar sigurie.
Veliaj ka qenë i pranishëm sot në një aktivitet së bashku me ministrin e Diasporës Pandeli Majko, kur policia bashkiake, ajo e shtetit, por edhe civilë që e shoqëronin, nuk kanë lejuar qytetarët të vazhdojnë qetësisht rrugën për në banesat e tyre.
Siç shikohet edhe në video, policë civilë janë përplasur verbalisht me qytetarët, ndërkohë që këta të fundit u kanë kërkuar llogari për pengesën.
Pasditen e sotme, këshilltari i Partisë Demokratike në Këshillin Bashkiak të Tiranës, Akil Kraja ka publikuar një video në të cilën shihet Veliaj në një nga rrugët e kryeqytetit.
Kraja shkruan bashkëngjitur:
“Imazhe #SURREALE të një Kryetari Bashkie që ka frikë. I rrethuar nga dhjetëra policë & civilë, mesazhi që i jepet qytetarëve nga skena të tilla është vetëm një: Tirana është kryeqyteti i një shteti të kriminalizuar…”
