Në 22 Mars të vitit 2019, në ambientet e një lokali në qendër të qytetit të Elbasanit u ekzekutua avokati Ravik Gurra.
Në videon e siguruar nga opinion.al duket autori i cili del nga një automjet, dhe për disa sekonda futet në lokal dhe më pas rikthehet për t’u larguar po me të njëjtin automjet.
E gjithë ngjarja ka ndodhur brenda pak sekondave, ç’ka do të thotë se autorët kishin studiuar mirë lëvizjet e viktimës dhe se si do të largoheshin.
Dy plumba në kokë e lanë të vdekur në vend avokatin Gurra i cili në ato momente ishte në shoqërinë e dy personave.
Disa minuta pas ekzekutimit policia gjeti një automjet të djegur afër daljes së Elbasanit i cili dyshohet se ishte përdorur nga vrasësit për t’u larguar.
Ravik Gurra ishte avokat i familjes Çapja në Elbasan dhe Emiljano Shullazit. Vrasja e tij dyshohet se mund të ketë ardhur si pasojë e shërbimit të tij ndaj këtyre klientëve por këto mbeten vetëm hipoteza.
Pas më shumë se një viti pas ngjarjes, ajo ka mbetur pa autor dhe pa motiv./Opinion
