Ish-deputeti Klevis Balliu ka lexuar një mesazh mbërritur në numrin e tij nga ministrja Belinda Balluku, të cilin e ka ndarë me banorët e Astirit, gjatë protestës së tyre.
Në mesazh kërkohej një vlerësim nga ish-deputeti për cilësinë e shërbimit, pas një vizite që ai kishte bërë në një nga zyrat e transportit rrugorë në Tiranë.
“Ministrja kërkon vlerësimin tim për cilësinë e shërbimit dhe unë këtë vlerësim vendosa ta jap së bashku me banorët e Astirit. Doni të dini vlerësimin? Ai është zero. Nëse doni realisht të dini vlerësimin ejani këtu”, tha Balliu.
Postimi i plotë në facebook:
Ministrja Balluku vendos të më nisë një SMS.
Këtë SMS unë vendosa ta ndaj me heronjt e Unazës së Re.
Ministja kërkon vlerësimin tim për cilësinë e shërbimit dhe unë këtë vlerësim vendosa ta jap së bashku me banorët e Astirit.
DONI TË DINI VLERËSIMIN?
000000000000000
Duam DREJTËSI për Unazën e Re.
Duam DREJTËSI për aferën.
ANULLO projektin
ANULLO projektin
