Ambasada Amerikane në Tiranë, ka dalë me një njoftim me rëndësi pas daljes për mediat nga Rama, lidhur me masat për koronavirusin. Ambasada e SHBA bën me dije se ka anuluar të gjitha intervistat e paracaktuara për Viza Jo-Emigruese deri më 3 prill, 2020. Gjatë kësaj kohe, Ambasada do të procesojë vetëm takimet urgjente për Viza Jo-Emigruese.
Procesimi i Vizave Imigruese dhe shërbimet për qytetarët amerikanë do të vazhdojnë pa ndërprerje. Duke zbatuar edhe vendimet e ndërmarra nga qeveria shqiptare për mos përhapjen e koronavirusit, Ambasada e SHBA ka vendosur të shtyjë ose anulojë të gjitha aktivitetet dhe mbledhjet e ardhshme publike deri në 3 prill 2020.
Njoftimi
Në mbështetje të përpjekjeve të qeverisë së Shqipërisë për të parandaluar përhapjen e mëtejshme të COVID-19 duke kufizuar grumbullimet publike dhe praktikimin e largësisë midis personave, Ambasada e SHBA ka anuluar të gjitha intervistat e paracaktuara për Viza Jo-Emigruese deri më 3 prill, 2020. Gjatë kësaj kohe, Ambasada do të procesojë vetëm takimet urgjente për Viza Jo-Emigruese. Procesimi i Vizave Imigruese dhe shërbimet për qytetarët amerikanë do të vazhdojnë pa ndërprerje. Në përputhje me përpjekjet e qeverisë së Shqipërisë për të zvogëluar përhapjen e COVID-19, Ambasada e Shteteve të Bashkuara ka vendosur të shtyjë ose anulojë të gjitha aktivitetet dhe mbledhjet e ardhshme publike deri në 3 Prill 2020. Lexoni njoftimin e plotë të Ambasadës së SHBA dhe përditësime të tjera mbi COVID-19, këtu: https://bit.ly/38HVTQE
Në fund të video-konferencës për masat e parandalimit të përhapjes masive të COVID-19, Rama tha se edhe ai ka një familje që kërkon ta mbrojë. Deklarata u bë gjatë një komunikimi me video-mesazh të shefit të qeverisë, për masat e COVID-19, në kohën kur bilanci ka arritur në 23 të prekur.
Një prej të prekurve, ndërroi jetë dje në Spitalin e Durrësit. Ndërkohë që vatra e të infektuarve është zgjeruar në Tiranë, Rrogozhinë, Elbasan, Durrës, dhe Lushnje.
Jeta në vend është paralizuar thuajse totalisht, me ndërprerjen e transportit dhe të punës.
