E enjte, 5 Gusht, 2021
29.5 C
Tirana

“Virusi është i fortë”, Erion Kristo: Kam ndaluar vjehrrin të më vijë në shtëpi

Pedagogu Erion Kristo ka zbatuar urdhrin e kryeministrit Rama, për të qënë të izoluar në shtëpi, për shkak të infektimit nga koronavirusi. Madje Kristo tregon se ka ndërmarrë ndër masat më ekstreme, duke ndaluar çdokënd që ti vijë në shtëpi, madje edhe vjehrrin.

Duke vënë në dukje se të gjithë pa përjashtim jemi mbartës potencialë, ai kërkon vetëndërgjegjësim, pasi virusi është i fortë.

“Mos neglizhoni asnjë përpjekje. Jemi ende në kohë”, një thirrje e cila duhet respektuar nga çdo grupmoshë, e që ripërsëritet nga pedagogu Erion Kristo.

Statusi

Unë jam mbyllur në shtëpi që të hënën. Kam dalë veç për blerje, natën dhe me kujdes maksimal. Kur kam ardhur në shtëpi kam bërë dush. Kam ndaluar çdokënd të vijë në shtëpi, madje dhe vjehrrin, gjë e padëgjuar kjo. Nuk është puna ta kuptosh vetë gravitetin e situatës. Duhet t’ua shpjegosh dhe njerëzve që vazhdojnë me zakonet e tyre. Duhet durim elefanti. Sot as puç puç mos thoni nëpër telefona. Harrojeni puçjen. Jemi të gjithë mbartës potencialë. Nuk e di si do ndiheni kur ju t’ua ngjisni kovidin dhe njerëzve tuaj të afërt. Sot roli parësor është i psikologëve dhe sociologëve. Ata duhet të shpërndajnë këshilla online, pasi të jenë konsultuar. Ka shumë ankth. Qeveria pasi të marrë dhe masa me karakter ekonomik, duhet të mbyllet. Ata ushtarët rrugëve që të pyesin ku ke qenë, për të të vënë gjobë 5000 euro, të hiqen urgjent. Drejtori i Policisë me Shefin e Shtabit të Ushtrisë që dalin pa maska rrugëve janë gabim. Më pëlqeu fjalimi i parafundit i Kryeministrit. Sikur mi kishte lexuar mendimet. Duhen marrë masa për njerëzit që nuk marrin dot masa. Shikoni punonjësit e fasonëve se po lënë nam pronarët. Falënderoj gjithë ata sipërmarrës humanë që pezulluan aktivitetet. Duhet që njerëzit të paguhen që të jetojnë. Është situatë ekstreme dhe e panjohur. Po kështu ka qenë gjithmonë me epidemitë. Me disa javë të mbyllur do ja dalim. Të kujdesemi për njerëzit që nuk kanë mundësi. Të vazhdojë rregulli i larjes së duarve, nëse nuk doni që t’iu lajë dikush tjetër. As me këmbë mos u përshëndetni, por ndoshta si komunistët me grusht, nga larg. Sot jemi në dorën e mjekëve, siç ishim në hyqmin e inxhinjerëve pas tërmetit. T’ua lehtësojmë punën. Kujdes maksimal për fëmijët dhe për shkollimin e tyre. Tani kuptojeni saktë këngën: Nën portokalle, bien lulet e limonit. Mos i ndani nga vetja. Maskat bëjini dhe vetë, si në kohërat e vjetra. Mos neglizhoni asnjë përpjekje. Jemi ende në kohë. Ky dreq virusi është shumë i fortë. Po ne kemi mendjen, kemi njëri-tjetrin. Mos e lejoni veten të përdoreni nga një virus i pamend. Sqaroni të pasqaruarit”.

Lexo edhe :   Pagesat e deputetëve për qershorin, kryeson ish-zv. ministrja e PS-së
Lexo edhe :   Rriten ndjeshëm infektimet, Tirana me rekordin e rasteve

- Reklama -

Më shumë nga kategoria




Të fundit

“Për lexim gjatë gushtit”

Nga: Skënder Minxhozi Ka qenë një kohë kur nxënësve ju jepej, gjatë pushimeve verore, një listë me libra për t’i lexuar. Atij brezi që e...

Kursi i këmbimit/Rritje e lehtë e euros, dollarit dhe paundit

Në kursin e këmbimit valutor, sot vihet re një rritje e lehtë e euros, paundit britanik,  dollarit dhe frangës zvicerane. Më poshtë do të gjeni...

Zhvillimet kryesore në rajon në 24 orët e fundit

Çfarë ka ndodhur në rajon në 24 orët e fundit 1- Profesori i shkencave politike: Forcimi i sovranitetit të Kosovës, garanton integrimin e gjithë rajonit 2-...

Çfarë po ndodh rreth nesh? Ngjarjet kryesore në botë në 24 orët e fundit

Njihuni me titujt kryesorë të zhvillimeve në botë 1-Hungaria kërkon daljen nga Bashkimi Europian 2- Vetëvritet oficeri i katërt i policisë që iu përgjigj trazirave në...

39% e shqiptarëve nuk janë në gjendje të bëjnë një javë pushime në vit

Një anketë e Këshillit të Bashkëpunimit Rajonal, e azhurnuar në Barometrin e Ballkanit 2021, tregoi se 39% e familjeve në Shqipëri nuk e përballonin...