Pavarësisht kundërshtisë së qytetarëve, të cilët e ofendojnë për marrjen e vendimit deri më tani për mos djegien e mandatit, Rudina Hajdari ka vijuar me agjendën e saj. Siç duket koha ka përfunduar dhe durimi është sosur, aq sa edhe ajo ka marrë vendimin për të folur.
Deputetja demokrate ka lajmëruar përmes një statusi në rrjetin social Facebook, se do të flasë sot në edicionin informativ “Ditari”, në një intervistë ekskluzive për “Zërin e Amerikës”.
Situata aktuale politike do të jetë në qendër të vëmendjes, ku gjasat janë të shprehet publikisht rreth vendimit të saj për të djegur, apo jo mandatin e saj si deputete e PD-së.
Së bashku me Myslym Murrizin, ata janë të vetmit deputetë të Partisë Demokratike që nuk dorëzuan mandatin, njësoj si kolegët e tyre.
