Kryeministri Edi Rama ka reaguar në lidhje me dëmtimin e stolave në stadiumin “Air Albania” gjatë ndeshjes Tirana-Kukësi.
Përmes një postimi në Facebook, Rama ka dënuar ashpër autorët e thyerjes së stolave. Kreu i qeverisë shpreson që personat përgjegjës të përfundojnë prapa hekurave si dhe të ndalohen përgjithmonë që të hyjnë në stadiume.
“Uroj që një orë e më parë, këta lloj katërkëmbëshash të mbyllen pas hekurave që zgjaten deri në tavan dhe të ndalohen përgjithnjë të hynë në stadiumet tona, bash ashtu siç e parashikojnë nenet e Kodit Penal të Republikës së Shqipërisë kundër dhunës në sport”, shkruan ai në postimin e tij.
FSHF bëri më herët me dije se janë thyer gjithsej 164 ulëse, 145 në sektorin e tifozerisë së Tiranës dhe 19 në sektorin e tifozerisë së Kukësit.
