Familjarët e një 24-vjeçare i janë drejtuar rajonit të policisë, pasi prej ditësh nuk kanë asnjë informacion për të. I ati i vajzës, shtetasi me inicialet G.M., ka denoncuar në policinë e Tiranës një ditë më parë, se e reja ishte kthyer nga Italia, por jo në banesë. Shtetasja Xh. M., 24 vjeçe ka ardhur nga Italia në datën 27 nëntor, por ende nuk dihet për fatin e saj.
“Më datë 30.11.2021, rreth orës 09:30, shtetasi G. M. ka kallëzuar së më datë 27.11.2021 ka ardhur nga Italia, vajza e tij, shtetasja Xh. M., 24 vjeçe, por nuk është kthyer në banesën në Shqipëri”, njofton Policia e Tiranës.
Lidhur me këtë rast, materialet hetimore i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
