Pak ditë më parë, disa foto që u shpërndanë në rrjet, tregonin Ramën në SHBA duke bërë pazar. Rrjeti shpërtheu me komente të shumta, ku nuk mungonin edhe kritikat. Vizita e tij ishte paralajmëruar me anë të një statusi në Twitter, ku fokusi ishte vaksina anticovid.
Por Rama duket se është prekur nga këto komente, ndërsa ka dhënë shpjegimet në konferencën për mediat. Rama tha se nuk ishte në një dyqan Guçi, por në një kancelari, në një dyqan bojërash. Ai shtoi se sa herë del jashtë vendit, blen kryesisht bojëra.
“Shkova tre ditë para dhe përherë blej çdo gjë, bojëra dhe gjëra të tjera. Me mirëkuptimin e tyre, nuk kemi qenë të burgosur në hotel, por nuk më keni parë mua as te Guçi as te Çuçi, më kanë bërë fotografi në një dyqan bojrash kancelarie. Edhe po të më kishin kapur në një dyqan tjetër, nuk është ndonjë krim. Por që ta dini, unë kur shkoj jashtë, blej bojëra”.
