Rama jep vendimin e fundit: Administrata s’do marr shpërblim në fundvit

Pensionistët do të marrin shpërblimin për Vitin e Ri, por këtë vit administrata nuk do e përfitojë një gjë të tillë. Këtë pohoi kryeministri Rama, ku sqaroi se administrata nuk do të ketë shpërblime për festat e fundvitit.

Vendimi në fjalë është marrë pasi është analizuar situata ekonomike në vendin tonë. Në kohën kur Shqipëria ka vuajtur pasojat e tërmetit, e më pas të pandemisë, është vendosur që administrata të mos marrë shpërblim.

“Administrata nuk është kategoria më e prekur nga COVID, si ka lëvizur paga, kanë pasur mundësi të punojnë nga shtëpia.

Janë të goditur psikologjikisht, siç e kanë pasur të gjithë, por nuk janë goditur dhe ne kemi detyrim ndaj pensionistëve dhe ndaj tyre do të bëjmë atë që kemi bërë dhe kur nuk ra mbi kokë gjithë kjo barrë e madhe”, tha Rama.