Pak më herët, në fjalën e marrë në Kuvend, Rudina Hajdari dha lajmin se deputeti i opozitës Andi Përmeti po kalonte një periudhë të vështirë shëndetësore, pasi ishte prekur nga COVID-19. Për shkak të gjendjes së rënduar, ai u transportua në Turqi, për një ndihmë më të specializuar.
Por sot vjen një lajm i mirë, pasi ai ia ka hedh paq me koronavirusin vdekjeprurës.
Lajmin e ka përcjellë kryetari i Grupit Parlamentar, Taulant Balla, në fjalën e tij në Kuvend. Balla u shpreh se Andi Përmeti e ka mposhtur koronavirusin, dhe është në gjendje të mirë shëndetësore, ku pritet të kthehet në Tiranë.
“Ne kemi kolegë që e kanë kaluar covidin, gjej rastin të ndaj lajmin e mirë që kolegu ynë Andi Përmeti e fitoi këtë betejë”, u shpreh Taulant Balla.
