Situatë e rënduar/ Greqia zgjat bllokimin mbarëkombëtar

Greqia ka shtyrë afatin e izolimit deri në datën 14 dhjetor. Aty situata paraqitet e rënduar, ndaj autoritetet kanë marrë vendimin e radhës, për të qëndruar sërish të izoluar. Gjëndje më e vështirë është në veri të Greqisë.

“Ekziston një stabilizim ose më mirë një rënie në numrin e rasteve, por me një ritëm më të ngadaltë se sa pritej,” tha zëdhënësi i qeverisë Stelios Petsas.

Kufizimet fillimisht pritej të mbaronin në 30 nëntor, por qeveria i kishte zgjatur ato më 7 dhjetor. Petsas tha që dyqanet sezonale, duke shitur artikuj të Krishtlindjeve, do të rihapen javën e ardhshme. Sa i takon vaksinimit të popullatës, qeveria ka dhënë lajmin se ajo do të jetë falas.