Bota

Turqi/ “U bë si çati për të shpëtuar fëmijët”, babai gjendet përmbys nën rrënoja


               Publikuar në : 21:55 - 24/01/20 B H

Pamje dramatike vijnë nga Turqia pas tërmetit të fuqishëm prej 6.8 ballësh që tronditi vendin pak orë më parë.

Një histori dramatike raportohet në rrjetet sociale dhe mediat turke, teksa ekipet e kërkim-shpëtimit kanë gjetur një baba përmbys ndërsa mbante nën krahë fëmijët. Fatkeqësisht babai ka ndërruar jetë, ndërsa nuk dihet ende asgjë për fatin e fëmijëve.

Videoja e momentit kur ekipet e shpëtimit gjejnë përmbys trupin e babait është bërë virale në rrjetet sociale, teksa mijëra persona e kanë ripostuar videon.

“Një baba që mbron fëmijët e tij pas tërmetit duke u pozicionuar si çati për t’i mbuluar ata, duke qëndruar nën të gjithë blloqet e mbetura të ndërtesës …. Baballarët tanë”, shkruan dikush.

“Një baba që ishte nën mbulim me fëmijët e tij nën rrënoja … Zemra ime vajton. Shtëpitë e njerëzve janë shkatërruar, rrugët e fshatit janë të mbyllura, nuk ka transport # elazığ #deprem # elazıgdeprem”.

“Një baba që është në rrënoja me djemtë nën krahët e tij..#elazig #deprem”

“Një baba në Elazig si një çati për fëmijët e tij … dhe për fat të keq ai ndërroi jetë… Zoti le të bëjë vend në parajsë për ata që ndërruan jetë”.

Deri më tani raportohen 6 viktima dhe më shumë se 200 të plagosur. Ekipet e kërkim shpëtimit vijojnë punën e tyre për kërkimin e të mbijetuarve në 5 godinat e shembura. Por temperaturat e ulëta duket se po ia vështirësojnë punën atyre.


Kthehu
WhatsApp Denonco ne TT