Tre persona të tjerë kanë humbur jetën si pasojë e koronavvirusit në Shqipëri.
Bëhet fjalë për një 52-vjeçar nga Tirana, një 57-vjeçar nga Kukësi dhe një 59-vjeçar nga Korça. Të tre pacientët ndodheshin të intubuar në terapi intensive në spitalin Infektiv.
“Situata paraqitet serioze në spitalin infektiv, ku në 24 orët e fundit kanë humbur jetën 3 qytetarë, të cilët po trajtoheshin në terapi intensive, të intubuar.
Një 52 vjeçar nga Tirana, një 57 vjeçar nga Kukësi dhe një 59 vjeçar nga Korça, nuk e kanë fituar dot betejën me Covid19, megjithë përpjekjet e stafit mjekësor. Ministria e Shëndetësisë dhe Mbrojtjes Sociale i shpreh ngushëllimet familjarëve”, thuhet në njoftim.
Kështu shkon në 107 numri total i personave që kanë humbur jetën nga koronavirusi në Shqipëri.
