E hënë, 24 Janar, 2022
3.5 C
Tirana

Trafikantët kanë hequr rojet nga arat e kanabisit, sa kushton 1 kg “Gorilla”

Gazetari investigativ, Artan Hoxha, ka zbuluar detajet në lidhje me mbjelljen e kanabisit “Gorrilla” dhe se çfarë strategjie kanë ndjekur trafikantët për të mos u kapur nga ana e policisë. Artan Hoxha publikoi pamjet e një parcele me kanabis, në një zonë malore të Shqipërisë, e cila sipas tij, është mbjellë me variantin “Gorilla” të kësaj bime.

Ai sqaroi se fara për “Gorillan” është sjellë nga Spanja, dhe rritet për 2 muaj duke bërë që investitorët të mund të marrin shpejt prodhimin. Gazetari vuri në dukje strategjinë që kanë ndjekur trafikantët, ndërsa policia është shumë hapa pas.

Ai zbuloi ndër të tjera se avioni mund ta ketë skanuar këtë zonë, duke dalë e pastër. Më tej kultivuesit mbjellin bimën, e cila rritet për dy muaj. Artan Hoxha u është drejtuar autoriteteve që të ndryshojnë mënyrën e kontrollit, pasi një prodhim kaq i shpejtë, e nxjerr jashtë loje strategjinë aktuale të skanimit.

“Kjo bimë ka krijuar një problematikë tjetër. Sepse avioni mund ta ketë skanuar këtë zonë dhe ajo del e pastër, pastaj kultivuesit mbjellin këtë bimën, e cila rritet për dy muaj.

Unë di që ajo zona ku është mbjellë parcela në fjalë, është skanuar në korrik dhe ka dalë e pastër, por këta kanë mbjellë menjëherë pas skanimit me avion kanabisin, duke e marrë prodhimin shumë shpejt.

Kjo bën që autoritetet të ndryshojnë medoemos mënyrën e kontrollit, pasi një prodhim kaq i shpejtë e nxjerr jashtë loje strategjinë e tanishme të skanimit, në qershor për shembull”, tha Artan Hoxha në “ABC”.

Hoxha deklaroi se parcela e vizituar prej tij, ishte në fazën e pjekjes dhe se kishte shumë rrëshirë. Artan Hoxha u shpreh se kanabisin “Gorilla” e ka parë në pak vende, pasi është farë e shtrenjtë. Kjo farë prodhon më pak, por ka prezencë më të madhe të THC-së ku çmimi i shkon rreth 4 mijë euro/kg”.

“Kam parë parcela nga jugu në veri këtë verë. “Gorillën” e kam konstatuar në pak vende pasi është farë e shtrenjtë, dhe nuk mund ta blejë çdokush. Kjo farë prodhon më pak, por ka prezencë më të madhe të THC-së dhe prandaj çmimi i shkon rreth 4 mijë euro/ kg”, tha ai.

Gazetari tregoi gjithashtu edhe teknologjinë e përdorur nga kultivuesit, për bllokimin e valëve të dronit si edhe sistemin e kamerave të vendosur prej tyre. Sipas Hoxhës, kultivuesit nuk i ruajnë më parcelat me roje, por me kamera inteligjente, të cilat sinjalizojnë në celular për çdo lëvizje pranë arës së mbjellë.

“Në fillim ne donim të ngrinim dronin për të verifikuar parcelat. Pamë që droni nuk po ngrihej, dhe kuptuam që kishte bllokues valësh për të. Pastaj gjatë lëvizjeve pranë arës pash që kishte sistem inteligjent kamerash, të cilat kishin nxjerrë jashtë loje rojet.

Me roje do harxhoheshin 80-100 mijë euro, kurse me këtë sistem kamerash jo më shumë se 3 mijë euro. Plus që rojet flasin, kurse kamerat jo”, tha Hoxha.

- Reklama -

Më shumë nga kategoria




Të fundit

Zgjedhjet e nxehta të 6 marsit, 10 pritshmëritë për 6 bashki

Nga: Roland Qafoku Vendimi për zgjedhjet e pjesshme lokale të 6 marsit më shumë duket si një pushim i detyruar i kërkuar nga trajneri në...

Recitoi mes dëborës/Meta: Vargjet e mia shqetësuan çunat e “Ballkanit të Hapur”

Kreu i Shtetit, Ilir Meta, është pyetur nga gazetarët sot për recitimin që bëri së fundmi në Korçë, ndërsa në qytetin juglindor kishte nisur...

Meta i përgjigjet “dhëmbë për dhëmbë” Ramës

Pa humbur kohë, presidenti Meta i është përgjigjur thumbave të kryeministrit Rama. Presidenti Ilir Meta i ktheu përgjigje deklaratave të Ramës, se më 6...

“Kreu i FSHF”, Meta: Dënoj çdo ndërhyrje të politikës, që synon shantazhimin!

Ndërsa foli për mediat pas homazheve te shtatorja e Ismail Qemalit, në bulevardin Dëshmorët e Kombit, Kreu i Shtetit, Ilir Meta është prononcuar edhe...

U ekzekutua nga një i mitur për hakmarrje, zbardhet ngjarja e rëndë në Lezhë

Një ngjarje e rëndë ka tronditur Lezhën. Një person është qëlluar për vdekje në fshatin Manati. Bëhet me dije se ka ndërruar jetë Lekë...