Në veri të Shqipërisë janë ndjerë sërish lëkundje tërmeti. Tërmeti sipas IGJEUM u regjistrua 3 km në Juglindje të Fushë-Arrëzit në orën 12:41, me magnitudë 3.4 të shkallës Rihter.
Kjo është lëkundja e disatë pas tërmetit të fortë 4.6 që tronditi dje jo vetëm rrethin e Pukës, por u ndje dhe në disa qytete të tjera dhe Tiranë.
Një natë më parë, zona u trondit nga një tërmet i fortë, dhe sizmiologët i tremben riaktivizimit të tërmeteve në këtë territor të vendit, i cili deri më tani ka qenë i qetë.
