Jo vetëm në Shqipëri janë ndjerë lëkundje të forta tërmeti, por edhe në Greqi. Një tërmet i fortë ‘ka zgjuar’ Lefkadën mëngjesin e sotëm. Mediat greke shkruajnë se tërmeti ishte me magnitudë 4.1 në shkallën Rihter, sipas matjes përfundimtare të Institutit Gjeodinamik të Observatorit Kombëtar të Athinës.
Lëkundjet u regjistruan në orën 8 e 10 me kohën lokale, dhe epiqendra ishte 14 km në jug-perëndim të Lefkadas (Greqi). Thellësia e tërmetit ishte 10 km.
Gjatë mesnatës, një lëkundje e fortë tërmeti është ndjerë edhe në vendin tonë. Sipas njoftimit zyrtar nga Ministria, tërmeti ishte me magnitudë 4.5 të shkallës rihter, me thellësi 20 km në veriperëndim të qytetit Cërrik.
