Tjetër ‘rrjedhje’ nga e djathta. Duket se kreut të PD-së, Lulzim Basha po i del situata nga duart, teksa një tjetër kandidat për deputet ka dorëzuar formularin në Komisionin Qendror të Zgjedhjeve.
Konkretisht, Andi Përmeti pritet të marrë mandatin e deputetit dhe të hyjë në Kuvend. Ai ka qenë ndër kandidatët që është shprehur kundër Lulzim Bashës gjatë zgjedhjeve në parti. Përmeti është kandidat i listës së Partisë Demokratike në Qarkun e Korçës.
Por, Përmeti nuk është i vetmi që pritet të marrë mandatin, teksa një tjetër person nga radhët e LSI-së ka dorëzuar formularin. Ai është Eugen Bojaxhi, i cili ka garuar në zgjedhjet e shkuara në listën e qarkut të Beratit.
