Tirana dhe rrethinat janë zgjuar nga mjegulla e dendur. Për shoferët, mjegulla ka sjellë probleme për shkak të kufizimit të shikueshmërisë.
Për sa i përket motit për ditën e sotme, pjesa më e madhe e territorit shqiptar do të paraqitet me kthjellime dhe vranësira të lehta gjatë paradites, por vranësira të herë pas hershme do ketë në zonat malore.
Moti parashikohet të jetë fillimisht me vranësira, të cilat gradualisht do t’ja lënë vendin kthjellimeve. Era do të jetë nga kuadrati i veriut me shpejtësi mesatare 1-7m/sek e hera-herës përgjatë vijës bredgetare dhe zonave luginore fiton shpejtësi deri në 15m/sek.
Valëzimi në dete i forcës 2-3 ballë.
Temperaturat parashikohen:
zonat malore 0°C deri në 7°C
zonat e ulëta 1°C deri në 17°C
zonat bregdetare 4°C deri në 16°C
