Romeo Veshaj, në një letër surprizë ndaj Donaldit, i kërkon që të njihet me Beniada Nishanin, mbesën e ish-presidentit Bujar Nishanin. Kjo ishte kërkesa që shkaktoi të qeshura tek lojtarët e “Big Brother VIP”.
“Dëgjo, thuaj një fjalë për mua asaj Beniadës, se është shumë e mirë zemra”, i tha Romeo vëllait të tij, duke kërkuar një mundësi takimi me mbesën e ish-presidentit Bujar Nishani. Nuk dihet nëse kjo ka qenë një shaka, apo Romeo i ka dhënë fund marrëdhënies me Aleksia Peleshin, vajzën e ministrit Niko Peleshi.
Aktori i humorit i dha fund marrëdhënies me Jonida Maliqin, e më tej nisi një romancë me Aleksia Peleshin. Më herët, Aleksia theu heshtjen duke folur për romancën e tyre, teksa ishte e ftuar në emisionin “Glamour Zone”.
Aleksia nuk e kurseu një deklaratë të fortë dashurie, duke thënë se aktorin e do me gjithë forcën dhe se ai i ngjan shumë me të atin, Niko Peleshi.
“E vërteta është që Romeon e dua shumë. E dua me të gjithë forcën që kam për të dashur dikë. Ai është një nga ata njerëz, që në lutjet e mia në fund të ditës, falenderoj Zotin që është në jetën time. E dua sepse më kujton babain tim, dhe për mua ai është njeriu më i mirë në botë”.
