Ka degraduar në përplasje protesta e banorëve të Astirit, të cilët bllokuan më herët rrugën, pasi kishin informacione se kryeministri Rama do të vizitonte fabrikën e miellit, aty pranë.
Banorët nuk kanë pranuar të lirojnë rrugën, duke bërë që policia të ndërhyjë më forcë duke u përplasur me ta.
Protestuesit kanë qëlluar me gurë në drejtim të policisë, ndërsa kjo e fundit ka shoqëruar disa persona, mes tyre edhe ish-deputetin Klevis Balliu, të cilët janë marrë me një furgon të policisë, pavarësisht përpjekjes së tyre për rezistencë.
