Kryeministri Edi Rama bashkë me ministrin e Rindërtimit, Arben Ahmetaj kanë qenë të pranishëm sot në Derven të Fushë-Krujës, aty ku ka nisur për ndërtimin e shkollës së re “Kastrioti”.
Rama ka publikuar në Facebook pamje nga momenti i inspektimit të punimeve.
“Hapet me këtë objekt, seria e kantiereve të Rindërtimit nga themelet të 129 shkollave, të cilat do të rilindin me standarde arkitektonike e arsimore shembullore, në përputhje me standartet evropiane, mbi rrënojat e ngrehinave të shëmtuara e të degraduara që shkatërroi tërmeti”, shkruan ai krahas videos.
Gjatë inspektimit në terren, Rama kërkoi që afati i përfundimit të këtij projekti të jetë para 26 nëntorit të këtij viti, me qëllim që nxënësit të futen për mësim në këtë shkollë.
“Kjo është shkolla e parë që fillon në terren, të martën nisim infrastrukturën e Krujës,
paralel shkollave është edhe infrastruktura shoqëruese, javën tjetër nisim në Fushë Krujë e më pas me Thumanën”, tha Ahmetaj.
Rama: Në 26 nëntor duhet të fusim fëmijët në shkollë. Ajo që duhet të mos lejojmë që kjo pjesa e shtëpive të kryqëzuara të mos marrë shumë kohë edhe pse është e domosdoshme. Po me lagjet e përqëndruara të shtëpive individuale?
Ahmetaj: Ka një specifikë, planet e detyruara vendore, vendosja, infrastruktuara
për 20 ditë do kemi gati planin për dy bashkitë e para e pastaj do nisë ndërtimi.
Rama: Është një transformim i madh, këtu ishte një stallë e tmerrshme, tani po kthehet në një shkollë evropiane.
