Qytetarë protestues janë përplasur me forcat e policisë, të cilat kanë krijuar një kordon në vendin ku po mbahet një protestë në Fier.
Përplasja ka ndodhur teksa ish-deputeti demokrat Luan Baçi mbante fjalën e tij, duke akuzuar se qytetarët po provokohen me praninë e forcave të shumta të policisë. Jo vetëm kaq, por Baçi u shpreh se mes protestuesve të infiltruar civilë nga qeveria që kërkojnë të rrisin tensionet dhe të krijojnë përplasje.
“Policia po provokon protestuesit, kjo është e turpshme. Mos u provokoni nga efektivët e policisë, ata janë futur mes protestuesve por ne nuk duam konflikt me vëllezërit tanë”, ka thënë Baçi.
Ndërkohë policia ka kërkuar që protestuesit të ruajnë qetësinë, duke i cilësuar veprimet e tyre si të kundraligjshme.
Fierakët kanë dalë në protestë, teksa ishte planifikuar që aty të zhvillohej një takim i kryeministri Rama me qytetarë./ Tirana Today
