“Irani përdori teknologjinë ruse hapësinore për të goditur bazat ushtarake të SHBA-së në Irak”, ky është lajmi kryesor i njoftuar nga agjencia izraelite e lajmeve Debka.
Në një artikull të detajuar, agjencia vë në dukje se pas Iranit “fshihet dora e Rusisë”. Kjo e fundit vuri në dispozicion teknologjinë hapësinore për kryerjen e sulmit.
“Burimet ushtarake ruse thanë që Rusia i dha Iranit mjete si raketa me precizion të lartë, të cilat u përdorën në një sulm në dy bazat ajrore amerikane në Irak me 8 janar”, shkruan agjencia.
Burimet brenda Kremlinit thonë për agjencinë se rusët u kanë siguruar iranianëve rrjetin e tyre global të navigimit, Glonass, që është ekuivalentja ruse e sistemit GPS të SHBA-së.
Përdorimi i këtij sistemi, sipas burimeve ruse lejoi raketat iraniane të godisnin objektiva me një saktësi prej 10 metrash, veçanërisht në bazën Ein Asad në Irakun perëndimor.
Kujtojmë që më 8 janar, 19 raketa u qëlluan nga Irani, 17 prej të cilave qëlluan shënjestrën.
