E hënë, 24 Janar, 2022
-3.5 C
Tirana

Studenti i dhjetorit ’90: Timoni i partisë të jetë në drejtimin e SHBA dhe BE

Ish-studenti i dhjetorit 1990, Ilir Dizdari, deklaroi në Kuvendin Kombëtar të PD-së se entuziazmi i demokratëve në sallë, sot i ngjan dhjetorit ‘90. Në fjalën e tij, ai citoi se ajo çfarë kërkonin në ato vite ishin liritë dhe të drejtat themelore të njeriut. Kërkonin të drejtën për jetën, për fjalën e lirë, ekonominë e lirë të tregut.

Teksa u kthye pas në kohë, Dizdari rikujton ajo çfarë ka shkuar 30 vite më parë për të ringritur PD-në të fortë. E ndërsa sot ai është së bashku me miqtë e lëvizjes së dhjetorit ‘90, ku janë kujdesur për ti lënë disa porosi të veçanta PD-së. Ish-studenti i dhjetorit tha se i bashkon sërish i njëjti mision, ndërsa u kujdes për të përcjellë porosinë që timoni i partisë në çdo kohë duhet të jetë në drejtimin e SHBA-së dhe BE-së.

“Me kaloi si pasqyrë lëvizja studentore shqiptare me dy kulminacione; 8 dhjetori 1990 dhe formimi i të parës parti opozitare në Shqipëri, PD-së. Dhe lëvizja e shkurtit 1991, lufta kundër kultit të individit që na është rishfaqur këto ditët e fundit dhe është bërë problem në shoqërinë shqiptare. Është dita të theksojmë sot çfarë kërkuam ne studentët, me parullat “Liri demokraci” dhe “E duam Shqipërinë si gjithë Europa”.

Në thelb ajo që kërkuam ne, ishin liritë dhe të drejtat themelore të njeriut. Kërkuam të drejtën për jetën, për fjalën e lirë, ekonominë e lirë të tregut, bashkimin kombëtar, lirinë fetare dhe besimin në Zot.

Sot jam këtu bashkë me miqtë e mi të lëvizjes së dhjetorit ‘90, ku 30 vjet më parë, këtu në rreshtin e parë ishin ulur gjithë drejtuesit e PD të asaj kohe. Dhe i lamë disa porosi të veçanta PD-së, që sot disa i harruan e ca i anashkaluam. Sot kemi të njëjtat gjëta për të thënë, dhe do qëndrojmë afër, për ta bërë PD siç ishte në vitin ’90. Frontin më të madh të zhvillimit të shqiptarëve e Shqipërisë.

Lexo edhe :   Kur do të eliminohet Berisha?

Çfarë porosish lamë ne: Ta duam Shqipërinë dhe të jemi mbivetjak, busulla orientuese dhe timoni i partisë në çdo kohë duhet të jetë në drejtimin e SHBA dhe BE. Kërkuam qëndrimin larg të kultit të individit, sot kemi të njëjtat detyra për të çuar në vend amanetin e atyre që sot janë baballarë, gjyshër apo atyre që nuk jetojnë më.

Pas lëvizjes së dhjetorit, kujtoj me respekt grupin e parë të PD, më 22 mars 1992. Bëj sot bilancin e më rezulton se ata u larguan u përzunë, dhe Shqipëria po rikthehet në kultin e individit. Ringritja e demokracisë nis me ndryshimet kushtetuese që Basha ka marrë përsipër t’i bëjë. Ne duhet të riparojmë shtyllat e PD. Ne kemi historinë tonë 30-vjecare, që duhet ta përforcojmë. E dyta, pronarët dhe elita patriotike shqiptare, 3- të përndjekurit politikë 4- strukturimi përfaqësues fetar në kuota të barazvlerësuara 5- prurjet e reja dhe rinia që të rrijë në Shqipëri e të kthehet në forcë për zhvillimin.

Lexo edhe :   Deklarata e Palokës shpjegon dy Kuvendet e PD-së

Ne kishim një ëndërr sot, duhet ta bëjmë realitet me ndihmën e SHBA dhe BE. Ta bëjmë Shqipërinë si Europa. Sot ju keni radhën ta kryeni këtë mision, merreni dhe drejtojeni me nder”, u shpreh Dizdari.

Kuvendi Kombëtar i PD-së, ka miratuar Komisionin për drejtimin e punimeve të ditës së sotme. Me votat unanime të demokratëve në Pallatin e Kongreseve, si kryetari i këtij komisioni u zgjodh Jemin Gjana. Ndërsa anëtarë të tjerë janë Gazment Bardhi, Grida Duma, Enkelejd Alibeaj dhe Flutura Açka.

- Reklama -

Më shumë nga kategoria




Të fundit

Mungonin avokatët, GJKKO shtyn seancën ndaj Fatos Tushes

Gjykata Kundër Korrupsionit dhe Krimit të Organizuar ka shtyrë në datën 2 shkurt seancën në ngarkim të Fatos Tushes, ish-kryetarit të Bashkisë Lushnje dhe...

Rama: Presidentin e ri do ta zgjedhim ne, do i kthejmë dinjitetin asaj zyre

Kryeministri Rama tha sot në mbledhjen e Grupit Parlamentar, se Partia Socialiste do të nisë punën për zgjedhjen e Presidentit të ri të Republikës...

Mbyllja e shkollave për 3 ditë/Aktivistët: Ministrja bën meteorologen

Për tre ditë, shkollat do jenë të mbyllura për shkak të motit të acartë. Lidhur me këtë vendim, aktivistë të Qëndresës Qytetare kanë protestuar...

“E mbyllim në shkurt”/Rama mbledh Grupin Parlamentar të PS, ja çfarë do ndodhë

Në mbledhjen e Grupit Parlamentar, kreu i qeverisë Edi Rama iu është drejtuar socialistëve të angazhohen seriozisht në procesin e këshillimit kombëtar. Ai vuri...

Basha: Berisha po vë interesat e tij personale mbi ato të demokratëve!

Në Shqipëri zgjedhjet e pjesshme, të parakohshme lokale, më 6 mars, për të zëvendësuar kryetarët e gjashtë bashkive, që iu ka mbaruar mandati, priten...