Anëtarja e Komisionit të Rikthimit të PD, Albana Vokshi, ka dhënë detaje në lidhje me ecurinë e procesit, pas votimit për shkarkimin e Bashës. Deri në orën 11:30, numri i pjesëmarrësve është 11. 680 anëtarë. Ajo theksoi se pjesëmarrja në referendum për shkarkimin e Lulzim Bashës deri më tani është në nivele të larta.
“Në të gjithë qendrat e votimit ka fluks, dhe numri mund të jetë dhe më i lartë se sa ky që unë kam raportuar. Tani i gjithë komisioni është në terren dhe në qendra të ndryshme të votimit. Jemi në terren që të marrim shifrat dhe i raportojmë. Më pas do të dalim që ti bëjmë dhe publike.
Rama dhe Basha kanë tentuar që të pengojnë procesin e votimit për referendumin, një ngjarje e paprecedentë jo vetëm për politikën shqiptare, por edhe atë ndërkombëtare. Udhëzimi që ne kemi dërguar në çdo qendër votimi është respektuar me përpikmëri”.
Ajo i ka renditur shifrat sipas qarqeve, ku numrin më të madh e ka Tirana me mbi 2 mijë anëtarë që kanë votuar deri më tani.
Shifrat sipas qarqeve
Shkodër 1080
Lezhë 11190
Kukës 915
Dibër 548
Durrës 1191
Tiranë 2566
Elbasan 731
Berat 251
Korçë 855
Fier 1535
Gjirokastër 485
Vlorë 423
Në total 11. 680 demokratë