E diel, 16 Janar, 2022
-3.5 C
Tirana

Spaho zbulon lëvizjet që po përgatit Berisha kundër Bashës

Deputeti i përjashtuar i PD-së, Edmond Spaho, ka hedhur poshtë zërat se lideri historik i demokratëve Berisha do të krijojë parti. Ai zbuloi detajet e lëvizjeve që po përgatisin mbështetësit e Berishës, teksa ishte i ftuar në emisionin “Breaking”. “Nuk kemi ndërmend as të krijojmë as grup parlamentar, asgjë, e as parti të re. Do të punojmë të krijojmë një lëvizje të re opozite. Edhe godinën e PD-së e blindoi, ia kaloi si institucion qeveritar Edi Ramës. Çfarë lideri opozite është ai”, tha Spaho.

Sa i përket shkarkimit të tij, Spaho u shpreh se ai vendim është nul, dhe nuk ka asnjë vlerë. “Ai vendim është nul, sepse ajo Kryesi nuk ekziston, që u krijua në korrik ishte në mënyrë jo ligjore, kjo edhe me statutin e Lulzim Bashës, pa votim, në një kohë që statuti kërkon që të zgjidhen me votim me kandidatura alternative. Ajo Kryesi së bashku me kreun PD është shkarkuar”, theksoi Spaho.

A do të shkojnë sërish në selinë e PD-së? Spaho shtoi edhe më tek dyshimet, ndërsa theksoi se do të jenë anëtarët e PD-së, që do ta vendosin një gjë të tillë.

“Ai do të jetë vullneti i demokratëve, dhe do të përdoren të gjitha forcat paqësore, godina nuk është as Lul Bashës dhe Sali Berishës, është e demokratëve. E aq më tepër ta kthejë në një fortesë të blinduar. Keni parë ju seli të blindohet, një seli opozite?”, tha Spaho.

Kreu i Partisë Demokratike, Lulzim Basha ka përjashtuar nga PD-ja ish-kryeministrin Sali Berisha. Pasi e përjashtoi nga grupi parlamentar demokrat dhe funksionet në Partinë Demokratike, Basha i ka hequr edhe kartën e anëtarësisë  ish-kryeministrit Berisha. Ka qenë Kryesia e PD, e cila pas thuajse 8 orësh mbledhje maratonë, ka dalë me një vendim unifikues ku ka shpartalluar “Foltoren”.

Lexo edhe :   "Është provokim, mos të preket asnjë makinë!”, Meta nxjerr SMS-të
Lexo edhe :   Deputetin e hedhin në koshin e plehrave. Nishani po paralajmëron Bashën?

Sipas Kryesisë së PD, përjashtimi i Berishës dhe mbështetësve të tij, si dhe pezullimi për disa besnikë të tij, erdhi për shkak se në protestën e 8 janarit që u organizua nga Grupi i Rithemelimit në Partinë Demokrtike, u përdor dhunë dhe madje u rrezikua jeta e zyrtarëve të lartë të PD, si deputetët apo anëtarë të lartë demokratë.

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...