Presidenti i Serbisë, Aleksandar Vuçiç pritet të mbërrijë ditën e sotme në Tiranë, në kuadër të takimit të tretë për Mini-Shengenin Ballkanik.
I pranishëm në këtë takim do të jetë edhe kryeministri maqedonas Zoran Zaev. Në këtë takim u ftua edhe presidenti i Kosovës, Hashim Thaçi, i cili e refuzoi ftesën për t’iu bashkuar mbledhjes.
Përmes një postimi në Facebook ai dha edhe arsyet e mospranimit të ftesës teksa theksoi faktin se Serbia vazhdon të mos e njohë Kosovën si shtet të pavarur.
Ndërkohë mësohet se përfaqësues së Lëvizjes Vetëvendosje në Shqipëri po përgatisin një tubim kundër Vuçiç. Vetëvendosja bën me dije se do të shpalosen pankarta me mbishkrime “Vuçiç, një kriminel lufte që vjen të pozojë si bamirës”.
