Sot dita më e ftohtë e javës, temperatura deri në -6 gradë

Vendi ynë sot do të mbizotërohet nga alternime kthjellimesh dhe vranësirash, duke sjellë mot të kthjellët me vranësira kalimtare.

Në zonat verilindore, nuk përjashtohet mundësia që gjatë natës të ketë reshje bore.

Sipas Meteoalb, sot temperaturat do të pësojnë një rënie të ndjeshme, ku do të variojnë: në zonat malore nga -6°C në 4°C, në zonat e ulëta nga 3ºC në 13°C dhe në zonat bregdetare nga 5°C në 14°C.

Era do të fryjë në drejtim Verilindor, ndërsa forca e valëzimit në det do të jetë 3 ballë.