E diel, 28 Nëntor, 2021
13.5 C
Tirana

“S’ka vend për panik”, përfaqësuesja e IGJEUM flet pas tërmetit në Lezhë

Mbrëmjen e djeshme, vendi ynë u trondit nga një tërmet 4.5 Rihter me epiqendër në Lezhë. Sipas Institutit të Gjeoshkencave, tërmeti ishte me magnitudë 4.5 të shkallës Rihter. Lëkundjet e kishin epiqendrën pranë qytetit të Lezhës.

Tërmeti raportohet se kishte një thellësi prej 19.9 kilometrash. Lëkundjet u ndjenë shumë në qytetin e Lezhës, duke shkaktuar frikë tek qytetarët. Po ashtu tërmeti u ndje edhe në Tiranë, në Durrës e Shkodër. Deri më tani nuk raportohet për dëme apo të lënduar.

“Sot në datën 17/10/2021, ora 22:13 (ora lokale), Rrjeti i Monitorimit Sizmologjik i IGJEO ka regjistruar një termët të madhësisë M4.5 sipas shkallës Rihter, me thellësi të vatrës 19.9 km.

Epiqendra është lokalizuar 69 km në Veri të Tiranës, pranë Lezhës. Intensiteti i tërmetit vlerësohet paraprakisht 5 ballë sipas shkallës MSK-64. Nuk kemi njoftime për dëme”, thuhet në një njoftim nga Departamenti Sizmologjisë, në Institutin e Gjeoshkencave.

Lëkundja ka shkaktuar frikë dhe panik te qytetarët. Në një lidhje për “Abc-ja e mëngjesit”, përfaqësuesja e IGJEUM, Anira Gjoni tha se nuk ka vend për panik.

“Nuk ka vend për panik, sepse ashtu siç ne e publikuam mbrëmë, kemi pasur një ngjarje sizmike, 10 km në verilindje të Shëngjinit dhe ishte diku tek 69 km në largësi nga qendra e Tiranës. Ishte 4.5 Rihter, tek 5 ballë. Në momentin e parë nuk ishin raportuar dëme dhe ashtu siç ne e dimë është një vend sizmik dhe presim nga momenti në moment mund të ketë lëkundje, por nuk ka vend për panik”, tha ajo.

Pyetjes se nëse duhet të shqetësohemi, pasi rënies së tërmetit gjatë periudhës që janë shënuar dhe tërmete të tjera, Gjoni u përgjigj: “Nuk ka të bëjë me periudha vjeshte apo vere, ka qenë një rastësi periudha e vjeshtës. Janë më të lehta zakonisht se tregojnë tendencën e shuarjes së vatrës”.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...