Për fat të keq, duket se monument kulture sot në Durrës është betoni. Është mjaft e dhimbshme që të shikosh këto dy pamje, të cilat kanë tjetërsuar qytetin bregdetar.
Aty ku mbizotëronte qetësia, tashmë ia ka lënë vendin zhurmës e ndërtimeve të larta. Në këtë qytet s’ka më hapësira të lira, por vendin e kanë zënë ndërtesat gjigante, të cilat me një shkundje të tërmetit, morën jetë njerëzish.
Tërmeti i 26 nëntorit solli viktima, la plot të plagosur të cilët u gjendën pas shumë orësh kërkime nën gërmadha. Lëkundjet e tërmetit gjunjëzuan Durrësin e jo vetëm. Dhjetëra ndërtesa u shkatërruan, shumë qytetarë mbetën të pastrehë, e ndërsa normaliteti duket mjaft i vështirë.
