Deputeti i Partisë Demokratike, Myslim Murrizi vazhdon të shfryjë ndaj vendimit që mori Lulëzim Basha pasi nuk dorëzoi mandatin e deputetit. Murrizi u përjashtua sepse foli hapur se pse ishte kundër djegies së mandateve dhe për këtë arsye qëndroi në Kuvend duke mos iu bindur Bashës.
Në një postim në Facebook ai shkruan se “në këtë mender demokraci kush flet hapur, “ pushkatohet” fshehurazi”.
Postimi i plotë i Murrizit:
“Ne komunizem kush fliste fshehurazi, pushkatohej hapur. Ne kete mender demokraci kush flet hapur, “ pushkatohet” fshehurazi. Çfare ka ndryshuar prej 29 vitesh??
Ne komunizem individet kishin frike ndersa politika mburrej. Ne keto 29 vjet post komunizem, individet nuk kane frike, ndersa politike eshte bere dhjakse.
Menyra e “ denimit” ka ndryshuar forme. Dikur te denonin me harbuteri dhe arrogance e prepotence.
Sot te “ denojne” te fshehur si qent te zgjebosur e strukur nen sqetullat e pista te funderrinave qe lehin gjith diten per “ demokraci”. Fundi i politikaneve qe kafshojne pas shpine, ka filluar te duket qarte”- shkruan Murrizi.
