Policia italiane ka shkatërruar një bandë kriminale në fushën e trafikut të prostitucionit. Mediat italiane bëjnë me dije në pranga kanë rënë 9 persona.
Mes tyre edhe shqiptarja Liljana Shoshari 35 vjeçe, banuese në Rezzato në provincën e Breshias, shoferi i saj kalabrez Ludovico Raffa 61 vjeç dhe shqiptari 27-vjeçar, Emiljano Osmani.
Anëtarët e kësaj bande akuzohen për trafik e shfrytëzim prostitucioni, grabitje dhe trafik të drogës.
Sipas autoriteteve të vendeve fqinje, hetimet për këtë operacion kanë nisur që 4 vite më parë. Raportohet se vajzat që prostituonin ishin kryesisht nga Evropa Lindore.
Ndërkohë, pesë anëtarë të tjerë të këtij grupi kriminal janë shpallur në kërkim ndërkombëtar.
