Edhe gjatë seancës së sotme, nuk kanë munguar përplasjet e forta në Kuvend. Një debat i ashpër është zhvilluar mes deputetit Myslim Murrizi, dhe ministrit Sandër Lleshaj.
Ishte fillimisht deputeti që hodhi akuza ndaj policisë për gjobat që po vendos, për mos mbajtjen e maskave.
Debati degjeneroi në sherr, teksa ministri iu kundërpërgjigj Murrizit se polic ka qenë, dhe i tillë ka mbetur. Në një çast, ministri i është drejtuar deputetit që mos ti trashte zërin, duke e kërcënuar se nuk e di se nga është ai.
“Polic ke qenë dhe polic ke mbetur. Po, polic ke qenë dhe polic ke mbetur. Je polic, ke qenë polic. Harrojeni këtë intimidim. Je askushi përballë ligjit shqiptar. Rri more aty, mos e trash zërin me mua. Ti nuk e di se nga jam unë more”, deklaroi Lleshaj.
