Një shpërthim me tritol ka ndodhur mbrëmë pas mesnate në Shëngjin. Shpërthimi ka ndodhur në një objekt në ndërtim, në pronësi të shtetasit Liman Gjoka, 56-vjeç, banues në Tiranë. Aty ka shpërthyer një sasi e vogël lëndë plasëse, ku si pasojë ka shkaktuar dëme materiale. Grupi hetimor po vijon hetimet, për sqarimin e rrethanave të ngjarjes.
“Më datë 11.12.2020, rreth orës 00:10, në vendin e quajtur “Rana e Hedhun“, Shëngjin, Lezhë, në një objekt në ndërtim në pronësi të shtetasit L.Gj, 56 vjeç, banues në Tiranë, ka shpërthyer një sasi dyshohet lëndë plasëse, ku si pasojë ka vetëm dëme materiale.
Menjëherë në vendngjarje kanë shkuar forcat e policisë dhe grupi hetimor, ku vijon veprimet për sqarimin e rrethanave të ngjarjes, identifikimin dhe kapjen e autorit”, njofton policia.
