Shefi i Urgjencës Kombëtare, Skënder Brataj, ka bërë me dije se në numrin 127 janë trefishuar telefonatat nga personat të cilet dyshojnë se janë infektuar me koronavirus.
Ai konfirmoi në një prononcim për mediat se 80% e njerëzve, nuk shfaqin simptoma. Personat që shfaqin simptomat, kurohen në shtëpitë e tyre. Bëhet fjalë për 90% të rasteve.
Drejtori i Urgjencës Kombëtare, po kështu ripërsëriti apelin e vazhdueshëm parashtruar gjatë ditëve të fundit, që qytetarët të mos anashkalojnë masat e bëra publike. Skënder Brataj kërkoi nga qytetarët që të izolojnë daljet. Po kështu, të zbatojnë distancat me një metër nga njëri-tjetrin.
“Është trefishuar numri në 127, 80% e njerëzve që nuk shfaqin simptoma. Ato që shfaqin simptoma kurohen në shtëpi, në 90% të rasteve. Kemi pasur raste të gripit. Si mund t’i përgjigjemi këtij rasti?
Ka një shpërndarje të shpejtë? Po, ka. Duhet të rrimë në shtëpi. Duhet të jemi të ndërgjegjshëm të rrimë në shtëpi, i mori masat edhe Italia, filloi izolimi. Nuk ka rrugë tjetër.
I lutem qytetarëve që të izolojmë daljet, distancat me një metër nga njëri-tjetrin, duhet shumë bashkëpunim.
Ka më shumë se një muaj që shkollat janë furnizuar nga Bashkia me detergjent dhe klor pluhur, kryesisht lënë dhe pothuajse çdo ditë është klorifikimi brenda ambienteve dhe sidomos tualetet.
Ndërkohë që masat e higjienës janë vënë re edhe në qytet, duke filluar nga pastrimi dhe dezinfektmi i kazanëve, mbetjeve dhe pusetave. Një problem janë maskat mbrojtëse të cilat mungojnë në disa farmaci të qytetit”, bëri me dije Brataj.
Ai shtoi më tej se edhe ai mund të ishte i infektuar nga koronavirusi, por që deri më tani nuk kishte shfaqur asnjë simptomë.
Në fjalën e tij, Brataj deklaroi se jo të gjithë të infektuarit me koronavirus kanë shfaqur simptoma, duke dhënë edhe veten si shembull. Mjeku tha se kishte pasur kontakte me pacientë të ndryshëm, dhe se mund të ishte infektuar.
“As unë nuk e di, mund të jem i infektuar. Është një betejë që të gjithë së bashku mund ta fitojnë, njerëzit shërohen. Do të jemi në dispozicion si gjithmonë. Merreni 127. Kemi edhe pacientë të tjerë, jo vetëm ata me koronavirus. Këshillat ndiqni me rigorozitet”, tha ai.
