Forcat detare amerikane kanë nënshkruar një kontratë me vlerë 22.2 miliardë dollarë për ndërtimin e nëndetëseve më të avancuara në botë.
Kjo kontratë vjen disa muaj pas paralajmërimit të shefit të forcave detare amerikane në Paqësor se Kina e ka pasuruar flotën detare. Ish-drejtori i operacioneve në Qendrën e Inteligjencës për Paqësorin Perëndimor, tha se marrëveshja është një kundërpërgjigje ndaj rritjes së fuqisë ushtarake të Kinës.
“Forcat detare kineze janë duke u rritur dhe forcat amerikane duhet të kundërpërgjigjen. Kjo nuk e bën Kinën vend armik, por veprimet e saj duhet të përcillen”, tha ai.
Nëndetëset “Virginia” mund t’i luftojnë nëndetëset e armikut, anijet dhe mund të qëllojnë caqe në sipërfaqe tokësore. Ato janë 140 metra të gjata dhe mund t’i bartin 40 raketa njëkohësisht.
Sipas CNN, këto mjete lundrimi mund të qëndrojnë larg porteve me muaj të tërë, sepse mund të sigurojnë vetë ujë dhe oksigjen për nevojat e ekuipazhit.
Denonco ne TT