Këngëtarja me famë botërore Bebe Rexha ditën e djeshme erdhi në Shqipëri dhe vizitoi disa nga të prekurit nga tërmeti.
Ajo mori përsipër që të ndërtonte dy shtëpi të cilat u rrënuan nga tërmeti shkatërrimtar i 26 nëntorit.
Ndërkohë ditën e sotme një tjetër këngëtar ka mbërritur në Shqipëri për të parë nga afër dëmet që ka shkaktuar tërmeti prej 6.4 ballësh.
Së bashku me aktorin e humorit, Bes Kallakun, Ardian Bujupi ka shkuar në Bubq ku ka takuar disa nga familjet e prekura dhe ka shpërndarë ndihma monetare.
Lajmin e ka bërë të ditur Bes Kallaku, i cili falenderon mikun e tij për këtë kontribut.
“@ardianbujupi në Bubq. Zoti të rujt. Flm shokëve dhe miqve. Ndihmat monetare po i shpërndajmë nëpër shtëpi. Nuk kemi marrë asgjë përsipër përveç shoqërimit vetë, nëpër banorët e prekur, për secilin që ka dëshirë për donacion monetar. Zoti ju rujt të gjithëve. Lavdia e Zotit”, shkruan Kallaku.
Denonco ne TT