E shtunë, 23 Janar, 2021
9 C
Tirana

Sëmundja e rrallë i mori jetën/ “Fundjavë Ndryshe” plotëson amanetin e Elonës

Kanë kaluar 11 muaj nga ndarja e jetës së Elona Kuburja, 13-vjeçares e cila preku zemrat e gjithë shqiptarëve.

E reja vuante nga një sëmundje e rëndë, e prekur që në lindje. Në gusht të vitit të kaluar fondacioni “Fundjavë Ndryshe” bëri thirrjen për ndihmë në mënyrë që Elona të kurohej jashtë shtetit. Në një kohë rekord u arrit dërgimi i saj në Turqi. Por, me gjithë përpjekjet e stafit mjekësor Elona nuk arriti dot të mposhtë sëmundjen.

Edhe pse ishte në luftë për jetën, Elona ishte një vajzë plot me dëshira. Kështu e kujton edhe drejtuesi i “Fundjavë Ndryshe”, Arbër Hajdari.

“… Atë ditë hyra në reanimacion, ku mundohesha t’i jepja vajzës shpresë. E pyeta se çfarë dëshirash kishte.

Ajo mu përgjigj: Dua të kem një dhomë prej vërteti, pasi shtëpia jonë është e shkatërruar! Pa u menduar gjatë, i premtova Elonës se do të bënim të pamundurën për t’i realizuar dëshirën!”.

Kushtet ekonomike të familjes Kuburja ia vështirësonin edhe më tepër mundësinë e kurimit të vajzës së tyre. Për këtë arsye edhe prindërit kishin vënë çdo gjë në shitje, madje dhe shtëpinë e vjetër, për të shëruar vajzën.

Veç dhimbjes së fortë për mungesën e Elonës, ata përballeshin me një tjetër shqetësim. Tërmeti i 26 nëntorit bëri që shtëpia e tyre të shkatërrohej plotësisht, duke i lënë dy prindërit dhe 3 vajzat e vogla në qiell të hapur.

Por, tani ky makth ka marr fund. Nëpërmjet një postimi në rrjete sociale, Hajdari bën me dije se premtimi i bërë ndaj Elonës u përmbush. Familjes Kuburja iu mundësua një shtëpi e re, po ashtu fondacioni do të vazhdojë me mbështetjen e çdo nevojë të tyre.

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...