Deputetja Rudina Hajdari do të kandidojë në qarkun e Elbasanit, për zgjedhjet e 25 prillit. Lajmi në fjalë ajo e ka përcjellë vetë me anë të një postimi në Facebook, duke apeluar ndaj qytetarëve që ta mbështesin për vendimin e rëndësishëm që ka marrë.
Hajdari bën të ditur se ka vendosur të kandidojë për këtë qark, pasi aty ka kaluar një pjesë të fëmijërisë, ndërsa tha se idealet e shtyjnë të luftojë për parimet e jo për pushtet. Ajo kërkon nga ana e qytetarëve që të mos rrinë në heshtje, por të bashkohen për të sjellë ndryshimin.
Deputetja thekson ndër të tjera se ka ardhur koha që të gjithë të rebelohen ndaj klasës së vjetër politike, dhe kjo mund të ndodhë vetëm nëse ndihmojnë ata që marrin guximin të përballen. Nëse jeni nga qarku i Elbasanit, deputetja ju fton që të regjistroheni te ‘rudinahajdari.al’, dhe menjëherë do të kontaktoheni për një takim, që të jeni pjesë e ekipit.
Njoftimi
Miq, dua t’ju kërkoj sot mbështetje për një vendim të rëndësishëm që kam marrë së bashku me skuadrën lidhur me zgjedhjet e ardhshme.
Nëse beson te unë dhe te ekipi ynë të lutem merr pak kohë, më dëgjo, e na jep një dorë.
Ka ardhur koha që të gjithë të rebelohemi ndaj klasës së vjetër politike dhe kjo mund të ndodhë vetëm nëse ndihmojmë ata që marrin guximin të përballen.
Nëse je nga qarku i Elbasanit të ftoj të regjistrohesh te rudinahajdari.al dhe menjëherë do të kontaktoj për një takim, që të jesh pjesë e ekipit.
Nëse je gjetkë, sugjeroja këtë video miqve që njeh në qarkun e Elbasanit.
Nëse ke mundësi mund të dhurosh për fushatën te rudinahajdari.al.
Ndryshimi vjen nga njerëzit që kanë guximin të sfidojnë realitetin e hidhur dhe ne e kemi këtë guxim.
Kemi edhe gjithë energjinë për tu përballur me një klasë të kalbur politike e cila na ka vjedhur deri në palcë.
Eja bashkohemi!
Nuk jemi të varfër, jemi të vjedhur!
Ju falenderoj nga zemra
