Të shumta kanë qenë historitë e suksesit të shqiptarëve nëpër botë. Por tani do të njiheni me një shqiptare e cila falë përpjekjeve dhe punës, tashmë suksesin e ka në duart e saj, shkruan lalsace.fr.
Bëhet fjalë për vajzën nga Kukësi, Glaundiola Palushi, e cila shkoi në Francë pas kërcënimeve që po i bëheshin familjes së saj, e cila zotëronte një hotel në qytetin verilindor.
Nga Verilindja e Shqipërisë, shkuan në Verilindje të Francës, në rajonin e Alsasës. Një gazetar i këtij rajoni na shkruajti për Glaundiolën, vajzën që ka tërhequr vëmendjen e mediave franceze, pasi dhjetorin e vitit 2016, fitoi “Women’s Awards” të Fondacionit Positive Planet, për suksesin e saj në sipërmarrjen e hapur në Francë.
Por në vitin 2012, prindërit dhe vëllai e Glaundiola, u detyrua që të linin vendin e tyre. Arsyeja e largimit, ishte për shkak të një konflikti lidhur me aktivitetetin profesionale të babait. Ajo jetonte me të fejuarin e saj Besart, ndërsa babi i saj dhe dy vëllezërit ishin larguar në Francë. “Babai im dhe vëllai im i vogël janë kërcënuar me vdekje (…). “
Prindërit dhe vëllai i saj më i vogël shkojnë në Francë dhe gjejnë strehë në Alsasa. Glaundiola, më pas u detyrua të linte studimet përgjysmë në Tiranë, filloi punë në të zezë, në Francë. Paguhej pak dhe lodhej shumë, megjithatë nuk u dorëzua. Mësoi gjuhën, pa ndjekur asnjë shkollë dhe ndërsa aplikonte për dokumente të rregullta, vazhdonte të mbështeste familjen me punën e saj.
Glaundiola e mësoi shumë shpejt gjuhën frenge gjatë punës. Ajo kurrë nuk ka ndjekur kurse për të mësuar gjihën, dhe falë aftësive të saj ajo ka pasur një komunikim të shkëlqyer me klientët. “Gjithmonë i kam dashur gjuhët t huaja”, thotë ajo me një buzëqeshje. Ne jemi sistemuar në vitin 2016, dhe në fillim të këtij viti shprehet ajo “gjithçka ndryshoi” në jetën e saj dhe të familjes së saj. “Ne nuk kemi më stres. Ne mund të punojmë ligjërisht, mund të jetojmë në një apartament të mirë, kemi një jetë të mirë. “
“Unë erdha në korrik 2013. Isha 21 vjeç. Me prindërit e mi, kemi aplikuar për azil. Por na u refuzua disa herë. Ne u rregulluam në janar 2016. U strehuam për një vit nga shoqata Açes në Mulhouse. Por më pas, pasi ishim pa dokumente, duhej të largoheshim”.
Ajo vendosi të hapë një biznes të sajin në fushën e pastrimit. Për këtë, gjeti mbështetjen e Mulhousienne të Planetit Adam, një nga entitetet e Positive Planet. Ata e ndihmuan të krijojë administratën e këtij biznesi të vogël dhe të regjistrohet. Kështu u lind “Shërbimet L’Ola”, ndërmarrja e Glaundiolës.
Aktualisht ka tre klientë. I pari që e kërkoi ishte banor i Pfastatt. Ajo kujdeset dhe për mjediset e arkitektëve Andréa dhe Antonio D’Onghia, në lagjen Rebberg të Mulhouse, të cilët shprehen të kënaqur nga puna e Glaundiola-s.
Edhe Glaundiola është e kënaqur me punën e saj! Ka atë lloj kënaqësie që të jep puna e ndershme, por edhe atë që ndien kur sheh dritë pas shumë mundimesh. TIRANA TODAY
