Mediat greke njoftojnë se është rritur numri i të infektuarve me koronavirus në vend. Dy persona të tjerë janë prekur nga virusi vdekjeprurës, duke e çuar në 9 numrin e të infektuarve në Greqi.
Bëhet fjalë për një 66-vjeçar nga Patra, i cili kishte qenë në një ekskursion në Izrael dhe Egjipt. Ai u shtrua në spital pasditen e së hënës, pasi shfaqi probleme me frymëmarrjen. Pas analizave të zhvilluara, mjekët pohuan se pacienti ishte prekur nga koronavirusi.
Ndërsa personi tjetër i infektuar është bashkëshorti i një mësueseje, e cila ishte infektuar më herët. Bashkëshortja e tij ishte shoqe me 38-vjeçaren greke, e cila ishte personi i parë i konstatuar me koronavirus në Greqi.
