Politikë

“Rrezikojmë një ’97 të dytë”/ Rama tregon se çfarë është i gatshëm të bëjë Berisha

               Publikuar në : 19:07 - 12/06/19 Enno

Kryeministri Edi Rama u zhvendos këtë pasdite në Divjakë, në kuadër të fushatës elektorale, e nga ku i është përgjigjur sërish argumentit të Ilir Metës për anulimin e datës së zgjedhjeve, se vendi rrezikon të shkojë në një ’97 të dytë.

Në fjalën e mbajtur para elektoratit të tij, Rama deklaroi se ata persona që shkaktuan ’97, po sillen të dëshpëruar, pasi sipas tij mendojnë se mund të “tmerrojnë dynjanë” me këtë arsyetim, ndërsa u shpreh se ish-kryeministri, Sali Berisha e ka konfirmuar që është i gatshëm që t’i vendosë zjarrin vendit.

Po ashtu, insistoi se zgjedhjet vendore të 30 qershorit do të zhvillohen, pavarësisht vendimit të presidentit Meta.

“Pse do ndodhi ’97? Cilit popull i janë djegur të gjitha kursimet e jetës, pasi është mashtruar me piramidat? Kush është sot në rrugë me protestat popullor për të kërkuar gjakun dhe djersën e vjedhur të mohuar? Ata që e shkaktuan ‘97 sot janë kaq të dëshpëruar, sa i gënjen mendja se mund të tmerrojnë dynjanë me ‘97 dhe madje arrin deri aty siç me saktë Saliu e ka treguar. E ka treguar që është i gatshëm ta çojë deri në zjarrvënie politike. Në fakt dëshpërimi i tyre dhe gjithë kjo fantazmë e frikshme tregon se janë të mbaruar. Më 30 qershor shqiptarët do të votojnë, se nuk ka se si të ketë ‘97.

Janë 4 veta, dy kryesorët Iliri dhe ai tjetri dhe Monika (fallxhorja) me artistin. Dhe e gjitha kjo nuk është furtunë, është një llumë në filxhanin e fallxhores dhe një përpjekje e dëshpëruar. Nuk e kanë dashur që në momentin e parë reformën në drejtësi”, deklaroi Rama.

Kthehu
WhatsApp Denonco ne TT