Artisti me origjinë shqiptare Action Bronson, pak ditë më parë transmetoi në programin e tij televiziv një episod të veçantë dedikuar kuzhinës dhe kulturës shqiptare, duke prezantuar disa nga gatimet tradicionale.
Në këtë episod ishte i ftuar Ramiz Kukaj, drejtuesi i “Ç’ka ka qëllu”, një prej lokaleve më të njohura shqiptare ne New York.
Por misioni i Bronson për zbulimin e vendit të origjinës, me sa duket nuk ka përfunduar me transmetimin e këtij episodi. Dje ai ka publikuar një reportazh të realizuar në Prishtinë, gjatë kohës që zhvillohej festivali Sunny Hill, i organizuar nga një tjetër emër shqiptar i njohur ndërkombëtarisht, Dua Lipa.
Këtë udhëtim Bronson e shfrytëzoi edhe për të njohur Kosovën dhe Maqedoninë, ku ka realizuar edhe një reportazh me pamje dhe histori nga vendet që vizitoi, ushqimet që i provuan si dhe vizitat tek familjarët e tij.
Me këtë material, ai tregon nga afër për mikpritjen që shqiptarët u bëjnë të gjithëve, si dhe kulturën që ka Kosova dhe Maqedonia.
Si i dhënë pas kuzhinës, Bronson në pjesën më të madhe të dokumentarit tregon për ushqimet që i ka ngrënë ku ka shkuar, si dhe ato që i përgatiti bashkë me hallën e tij. /diasporashqiptare.al
Reportazhin e plotë mund ta ndiqni këtu:
